ಹೆಸ್ಕಾಂ ಕಚೇರಿಗೆ ಬೀಗ ಜಡಿದು ಪ್ರತಿಭಟನೆ

ಚೈತನ್ಯ ನ್ಯೂಸ್ 24 ಮುಳಗುಂದ ಮೇ.23:

ಪಟ್ಟಣ ಹಾಗೂ ಸುತ್ತಮುತ್ತಲ ಗ್ರಾಮಗಳ ರೈತರ ವಿದ್ಯುತ್ ಲೈನ ಒಂದು ವಾರದಿಂದ ಪ್ರಾರಂಭ ಮಾಡದೇ ಸತಾಯಿಸಿದ ಹೆಸ್ಕಾಂ ಸಿಬ್ಬಂದಿ ವಿರುದ್ಧ ಪಟ್ಟಣ ಘಟಕದ ಹಸಿರು ಸೇನೆ ರೈತ ಸಂಘದ ಸದಸ್ಯರು ಕಚೇರಿಗೆ ಬೀಗ ಜಡಿದು ಪ್ರತಿಭಟನೆ ಮಾಡಿದರು.
ಕಳೆದ ಕೆಲ ತಿಂಗಳಿ0ದ ಪಟ್ಟಣಕ್ಕೆ ವಿದ್ಯುತ್ ಕೊರತೆಯಾಗುತ್ತಿದ್ದು, ಬೇಕಾ ಬಿಟ್ಟಿಯಾಗಿ ವಿದ್ಯುತ್ ಕಡಿತವಾಗುತ್ತಿದೆ. ಈಗಂತೂ ಕಳೆದ ಒಂದು ವಾರದಿಂದ ಹೋದ ವಿದ್ಯುತ್ ಮರಳಿ ಬಂದಿಲ್ಲ. ರೈತರ ತೋಟದಲ್ಲಿನ ಬೆಳೆಗಳು ಒಣಗುತ್ತಿವೆ. ಹೈನುಗಾರಿಕೆಯ ದನಗಳಿಗೆ ಕುಡಿಸಲು ನೀರಿಲ್ಲ. ಮಳೆ ಗಾಳಿಯ ಸಲುವಾಗಿ ನಾವು ಕಂಬಗಳು ಬಿದ್ದಿದ್ದರಿಂದ ಇಲ್ಲಿಯವರೆಗೆ ನಾವು ಹೇಗೋ ನಿಭಾಯಿಸಿದ್ದೇವೆ ಆದರೆ ಸುಮ್ಮನೆ ಕುಳಿತ ನಮ್ಮನ್ನು ಕಡೆಗಣಿಸುತ್ತಿದ್ದಾರೆ.
ಕಂಬದಲ್ಲಿನ ಒಂದು ಕಪ್ ಹೋಗಿ ತಿಂಗಳುಗಳಾಗಿವೆ. ಒಂದು ಕಪ್ ಹಾಕಲಾರದಷ್ಟು ಇಲಾಖೆ ಬಡವಾಯಿತೇ. ಹೀಗೆ ಹತ್ತು ಹಲವು ಸಮಸ್ಯೆಗಳನ್ನು ರೈತರು ಮುಂದಿಟ್ಟರು.
ನಂತರ ಸ್ಥಳಕ್ಕಾಗಮಿಸಿದ ಎಇಇ ನಾಗರಾಜ ಕುರಿಯವರನ್ನು ಸಹ ರೈತರು ತರಾಟೆಗೆ ತಗೆದುಕೊಂಡರು. ನಂತರ ಸಮಜಾಯಿಸಿ ಹೇಳಿದ ಇಂಜನೀಯರ ರೈತರ ಮನವೊಲಿಸುವಲ್ಲಿ ಯಶಸ್ವಿಯಾದರು. ನಂತರ ರೈತರ ಸಮಸ್ಯೆಗಳನ್ನು ಸಿಬ್ಬಂದಿಯಿ0ದ ಪಟ್ಟಿ ಮಾಡಿಸಿ ಒಂದು ವಾರದಲ್ಲಿಯೇ ಸಮಸ್ಯೆಗಳನ್ನು ಪರಿಹರಿಸುವದಾಗಿ ತಿಳಿಸಿದರು.
ಈ ಸಂದರ್ಭದಲ್ಲಿ ರೈತರಾದ ದೇವರಾಜ ಸಂಗನಪೇಟಿ, ಕಿರಣ ಕುಲಕರ್ಣಿ, ಕಿರಣ ಬಟ್ಟೂರ, ಮಲ್ಲಪ್ಪ ಹೊಸಕಟ್ಟಿ, ಪ್ರಭು ಲದ್ದಿ, ವಿಜಯ ಹುಲಕೋಟಿ, ಕುಮಾರ ಬಟ್ಟೂರ ಇತರರು ಇದ್ದರು.
ಬಾಕ್ಸ:
ಕೆಲ ಸಮಸ್ಯೆಗಳು ನನ್ನ ಗಮನಕ್ಕೆ ಬಂದಿವೆ ಇನ್ನೂ ಕೆಲ ಸಮಸ್ಯೆಗಳು ಬಂದಿಲ್ಲ. ಅವುಗಳನ್ನು ಒಂದು ವಾರದಲ್ಲಿ ಬಗೆಹರಿಸುತ್ತೇವೆ. ಯಾವದೇ ಸಮಸ್ಯೆ ಇದ್ದರೂ ನೇರವಾಗಿ ಮಾತನಾಡಿ ತಿಳಿಸಿ ಹೇಳಿ ನಾನು ಬಗೆ ಹರಿಸುತ್ತೇನೆ.
-ನಾಗರಾಜ ಕುರಿ ಎಇಇ ಹೆಸ್ಕಾಂ ಗದಗ.