ಚೈತನ್ಯ ನ್ಯೂಸ್ 24 ವಾರ್ತೆ ನರೇಗಲ್ಲ ಅ.16:
ಕರ್ನಾಟಕ ಪಶ್ಚಿಮ ಪದವೀಧರ ಕ್ಷೇತ್ರದ ವಿಧಾನ ಪರಿಷತ್ ಚುನಾವಣೆಯ ಬಿಜೆಪಿ ಅಭ್ಯರ್ಥಿ ಎಸ್.ವಿ. ಸಂಕನೂರ ಅವರ ಗೆಲುವಿಗಾಗಿ ನರೇಗಲ್ಲ ಬೂತ್ ವ್ಯಾಪ್ತಿಯ ಸಮೀಪದ ಅಬ್ಬಿಗೇರಿ ಗ್ರಾಮದಲ್ಲಿ ಅವರ ಸಹೋದರ ಸುಭಾಷ್ ಸಂಕನೂರ ಅವರು ಬಿಜೆಪಿ ಕಾರ್ಯಕರ್ತರೊಂದಿಗೆ ಮನೆಮನೆಗೆ ತೆರಳಿ ಬಿರುಸಿನ ಪ್ರಚಾರ ನಡೆಸಿದರು.
ಗ್ರಾಮದ ವಿವಿಧ ಬಡಾವಣೆಗಳಿಗೆ ತೆರಳಿದ ಸುಭಾಷ್ ಸಂಕನೂರ ಹಾಗೂ ಬಿಜೆಪಿ ಕಾರ್ಯಕರ್ತರು ಪದವೀಧರ ಮತದಾರರನ್ನು ಭೇಟಿಯಾಗಿ, ಅಭ್ಯರ್ಥಿ ಎಸ್.ವಿ. ಸಂಕನೂರ ಅವರ ಪರವಾಗಿ ಮತಯಾಚನೆ ಮಾಡಿದರು. ಚುನಾವಣೆಯಲ್ಲಿ ಸಂಕನೂರ ಅವರಿಗೆ ಬೆಂಬಲ ನೀಡುವಂತೆ ಮನವಿ ಮಾಡಿ, ಮತದಾರರನ್ನು ಸಂಘಟಿಸುವ ಕಾರ್ಯದಲ್ಲಿ ತೊಡಗಿದರು.
ಕರ್ನಾಟಕ ಪಶ್ಚಿಮ ಪದವೀಧರ ಕ್ಷೇತ್ರದಲ್ಲಿ ಪಕ್ಷದ ಅಭ್ಯರ್ಥಿಯ ಗೆಲುವಿಗಾಗಿ ಕಾರ್ಯಕರ್ತರು ಸಂಘಟಿತವಾಗಿ ಶ್ರಮಿಸುತ್ತಿದ್ದು, ಅಬ್ಬಿಗೇರಿ ಗ್ರಾಮದಲ್ಲಿಯೂ ಮನೆಮನೆ ಪ್ರಚಾರದ ಮೂಲಕ ಮತದಾರರನ್ನು ತಲುಪುವ ಪ್ರಯತ್ನ ನಡೆಸಿದರು.
ಈ ಸಂದರ್ಭದಲ್ಲಿ ಚಂದ್ರಗೌಡ ಪಾಟೀಲ, ಮಹದೇವಪ್ಪ ಯಾಳಗಿ, ಶಂಕರ ಇಟಗಿ, ಭರಮಪ್ಪ ಹನುಮನಾಳ, ಸುರೇಶ ನಾಯ್ಕರ್, ಸಂಗಪ್ಪ ನೀರಲೋಟಿ, ಮಲ್ಲಿಕಾರ್ಜುನಗೌಡ ಚನ್ನಪ್ಪಗೌಡ ವೀರಾಪುರ, ರವಿ ಯತ್ನಟ್ಟಿ, ಸಿದ್ದಪ್ಪ ಹರ್ದಾರಿ, ಸಚಿನ್‌ಗೌಡ ಪಾಟೀಲ ಹಾಗೂ ಅಶೋಕ ಬೇವಿನಕಟ್ಟಿ ಸೇರಿದಂತೆ ಬಿಜೆಪಿ ಕಾರ್ಯಕರ್ತರು ಪಾಲ್ಗೊಂಡಿದ್ದರು.
